囡囡好扭計

昨日終於因為囡囡太扭計, 令到我整親條腰喇, 今朝起身痛到落唔到床, 所以我決定左, 以後得我一個帶囡囡出街的話, 一定要用bb車, 昨日就係因為冇bb車, 返緊屋企途中囡囡又扭計要食野, 所以我就又抱又夾咁同佢返屋企, 呢個女脾氣真係好大, 真係少d精力都搞佢唔掂!!

第一隻大牙仔

今日終於見到囡囡出第一隻大牙仔喇, 而家囡囡差唔多二十一個月大, 先至出第一隻大牙仔, 好似遲左少少, 不過唔緊要啦, 好過唔出嘛, 哈哈!!

唔知囡囡係因為出牙仔, 定係佢性格就係咁扭呢? 最近越來越扭, 少少唔鐘意就發脾氣, 佢要既野唔俾佢就喊, 脾氣都真係幾大, 真係唔知幾時先話得聽佢!

全職媽媽

最近因為放暑假, 冇乜工開, 仲諗住會得閒d, 可以post多d野上黎, 點知仲忙過返工...... =.=

因為囡囡越來越大個, 需要既野唔淨止係食玩訓, 加上又開始想出牙, 扭計會多左, 同埋佢會通屋走, 周圍摸周圍玩, 真係要諗個辦法令自己輕鬆d至得, 呵呵~~

我諗首先就係要將屋企既佈置大執, 可以俾佢周圍走都唔怕, 呢個月尾屋企會裝修, 可以順便執好間屋佢, 但係呢個暑假就真係冇得抖喇, 哈哈~~~

如果我有一千萬

今晚六合彩頭獎估計有三千三百萬, 我發夢中晒六個半字喎, 哈哈哈! 梗係即刻彈起身去買呢七個字, 中唔中, 今晚先知喇!

不過就算唔中, 幻想下都好開心, 如果真係比我中到一萬千的話, 我又會點用呢? 呢個問題都幾煩惱, 呵呵! 不過真係中到既話, 第一件事就梗係還神啦! 第二件就係要捐返d錢出去幫下人!

plan 1, 同屋企人吃返餐好既, 剩返既就全部買晒鋪位, 買得幾多就幾多, 個個月有租收都幾嘆架!

plan 2, 只係買一間鋪, 其他就同屋企人分左佢, 嘻嘻! 現金在手好過得餐食嘛!

plan 3, 諗唔到lu, 其實兩個plan已經好多野可以諗, 諗得好開心lu, 可能要真係中到先至會有plan 3, 哈哈哈哈!!

從澳門回來

呼~~
昨天去完旅行回來就要上早班, 很累哦, 明天還是要上早班, 想起就累了...

這次去澳門旅行, 女兒玩得很開心, 因為有很多阿姨阿叔陪她玩, 哈哈~~

最有趣的, 我想應該是阿姬的兒子(22個月大)了, 他來到時我女兒(16個月大)在睡覺, 他就一直的往房間裡看她醒了沒, 後來看到她醒了, 就急不及待的去抱她,想抱她走, 哈哈~

後來在大廳中, 他就拖著她的手到處走, 還走到一幅鐵達尼號的海報面前, 兩個人就指著海報的人, 我們叫他親親妹妹, 他就想也不用想的親了她的頭, 還很得意的笑呢, 就這樣, 他們拖著走了一段時間... 哈哈哈哈~~~~~

快樂不快樂!?

早兩日四川發生大地震, 連日來新聞報導不停播放有關地震之最新消息, 傷亡人數不斷上升, 災情慘不忍睹.
我亦正在聯絡一位在成都的日本朋友, 但因為網絡繁忙, 一直聯絡不上, 希望他平安無事!

今日新聞透視是講述小琳琳的故事, 出生後第九天就離去了, 真係好 "心up", 見到自己個女一日一日咁長大, 原來係一件好幸福既事, 所以要好好咁珍惜!

今日睇到既都係好多悲傷既事情, 令到自己也快樂不起來, 唯有多看看囡囡既得意短片, 咁先至好d,唔, 係時候整理一下囡囡既相同短片喇, 等遲d得閒既時候就一一放上個blog度先, 呵呵~

關於囡囡

我的女兒已經一歲多了, 在她出生後幾個月就說要寫一個關於她的blog, 但一直都沒有實際的行動, 終於在今晚, 踏出了第一步了, 現在才發覺到, 原來寫blog真的不容易呀, 呵呵~~

我的女兒叫做子楹, 沒有懷胎十月, 因為在懷她七個月時就跑出來了, 她到現在還是一樣的很性急, 不過, 健康就好了!