子楹BB

我真係要努力放子楹d相上黎喇，而家都兩歲八個月喇，但係就一張相都未放過上黎，而家要迫自己每星期至少放五張相，哈哈~~

呢幾張相係子楹十幾日大到滿月時，在醫院裡影的，因為早產既關係，所以都住左成十個星期醫院。d相隔住個玻璃黎影，所以都唔係咁清。

出世既時候得兩磅幾重量，真係好細粒，但係都算得意啦，不過，初生BB真係好醜樣囉~~~

係咪奇怪點解唔放子楹剛出世到十幾日大既相呢？因為當時仲要戴氧氣罩，好多儀器既線，感覺唔係幾好，所以都係揀d比較好既放上黎好d，呵呵~~~~

開學喇

今日子楹第一日正式返預備班，心情十分好，由昨晚開始就好期待今日返學，今朝叫佢起身一話返學，竟然唔賴床就即刻起身，仲要自己揹書包，之後同我拜拜話要自己返學，又話d小朋友都係自己返學，哈哈~~

到夜晚見到佢，佢又扭計要做功課，同佢講冇功課做就喊，係都話要做功課，比本簿佢話係功課佢又話唔係，一定要學校既功課，但問題係，呢間學校係唔主張咁多功課做，最緊要小朋友學得識就得，唔係下下都要抄抄寫寫，但係子楹見到表哥仔日日都做功課，就覺得每日都要做功課，真係未見過小朋友咁鐘意做功課.....=.=

真係兩父女

(廣東話版)
睇返上次既留言, 原來係囡囡仲住緊醫院留既, 而家update一下先~

囡囡由10號燒到18號, 燒足八日, 住院就住左六日(13-19號), 開頭以為手足口, 後尾原來係輕微肺炎, o岩o岩早幾日去左覆診, 而家都叫做好返晒lu, 希望囡囡唔好再咁容易病啦~

話說囡囡復活節既時候開始病, 跟住入院, 而爸爸就o係勞動節既時候......盲腸炎入院...=.=
之前約好話五一過澳門玩, 好彩後尾取消行程, 如果唔係, 真係麻煩lu~~

(國語版)
看回上次的留言, 原來是女兒在住醫院的時候, 現在更新一下~~

女兒從10號燒到18號, 燒了整整八天, 住了六天醫院(13-19號), 起初以為是手足口病, 後來才知道是輕微肺炎, 前幾天去了覆診, 現在算是完全康復了, 希望女兒不要那麼容易生病啦~~

話說女兒是在復活節開始病的, 而女兒的爸就在勞動節時...闌尾炎進了醫院...=.=
之前約好說勞動節去澳門玩, 幸好最後取消了, 不然真的很麻煩~~

疑似手足口病?

(廣東話版)
囡囡星期五(10號)晚發燒到而家(15號)，13號同佢入左醫院，到而家都仲係燒下退下又燒返，醫生話似係手足口病，如果係既話，就只係比退燒藥佢食，等佢自己好返，但試到今日，醫生終於比抗生素囡囡食喇，如果食左兩到四次就好返，即係囡囡唔知邊度發炎，......=.=呢幾日醫生講完既野都好似等於冇講過咁。
呢幾日囡囡又辛苦，我同老公都好辛苦，我地廿四小時輪流o係醫院陪住佢，又唔可以出病房門半步，而佢每日又要食好多次藥，次次都要迫佢食，真係冇陰功！
希望囡囡天日或後日可以出院啦，o係醫院咁多日，好悶嫁！

(國語版)
女兒星期五(10號)晚發燒到現在(15號)，13號住院，燒退了又再燒，醫生說像是手口足病，如果是的話，就只能靠她自己好起來，單吃退燒藥，到了今天，醫生終於給女兒吃抗生素了，如果吃了兩到四次就好的話，就是說女兒不知那兒有炎症，唉......這幾天醫生說的話...說了等於沒說。
這幾天女兒辛苦，我和老公也辛苦，24小時輪流在醫院陪著她，又不可以出病房半步，而女兒每天要吃很多藥，每次都要強迫她吃，好淒涼哦！
希望女兒明天或後天能出院啦，在醫院這麼多天真的好悶呀！

時大時細

(廣東話版)
囡囡睇落好似大個左好多，但係個body仲係好的骰，佢由一月十一號開始去幼稚園暫託，學多左好多野，講野都講多左好多，有時見佢做既野同講既野好似好大個咁，好多野已經唔呃得佢，但係好多時佢又好扭計，好bb咁，唔知到九月正式返學之後又會點呢？

(國語版)
現在女兒看上去好像大了很多，但體型還是小小的，她在一月十一日開始去給幼兒園托兒，學了很多東西，會講的東西也多了，有時看到她做的講的都好像長大了，很多事情都騙不了她了，但很多時候還是很會扭，很baby似的，不知道到九月正式上課後會怎樣呢？

囡囡好扭計

昨日終於因為囡囡太扭計, 令到我整親條腰喇, 今朝起身痛到落唔到床, 所以我決定左, 以後得我一個帶囡囡出街的話, 一定要用bb車, 昨日就係因為冇bb車, 返緊屋企途中囡囡又扭計要食野, 所以我就又抱又夾咁同佢返屋企, 呢個女脾氣真係好大, 真係少d精力都搞佢唔掂!!

第一隻大牙仔

今日終於見到囡囡出第一隻大牙仔喇, 而家囡囡差唔多二十一個月大, 先至出第一隻大牙仔, 好似遲左少少, 不過唔緊要啦, 好過唔出嘛, 哈哈!!

唔知囡囡係因為出牙仔, 定係佢性格就係咁扭呢? 最近越來越扭, 少少唔鐘意就發脾氣, 佢要既野唔俾佢就喊, 脾氣都真係幾大, 真係唔知幾時先話得聽佢!

全職媽媽

最近因為放暑假, 冇乜工開, 仲諗住會得閒d, 可以post多d野上黎, 點知仲忙過返工...... =.=

因為囡囡越來越大個, 需要既野唔淨止係食玩訓, 加上又開始想出牙, 扭計會多左, 同埋佢會通屋走, 周圍摸周圍玩, 真係要諗個辦法令自己輕鬆d至得, 呵呵~~

我諗首先就係要將屋企既佈置大執, 可以俾佢周圍走都唔怕, 呢個月尾屋企會裝修, 可以順便執好間屋佢, 但係呢個暑假就真係冇得抖喇, 哈哈~~~

從澳門回來

呼~~
昨天去完旅行回來就要上早班, 很累哦, 明天還是要上早班, 想起就累了...

這次去澳門旅行, 女兒玩得很開心, 因為有很多阿姨阿叔陪她玩, 哈哈~~

最有趣的, 我想應該是阿姬的兒子(22個月大)了, 他來到時我女兒(16個月大)在睡覺, 他就一直的往房間裡看她醒了沒, 後來看到她醒了, 就急不及待的去抱她,想抱她走, 哈哈~

後來在大廳中, 他就拖著她的手到處走, 還走到一幅鐵達尼號的海報面前, 兩個人就指著海報的人, 我們叫他親親妹妹, 他就想也不用想的親了她的頭, 還很得意的笑呢, 就這樣, 他們拖著走了一段時間... 哈哈哈哈~~~~~

關於囡囡

我的女兒已經一歲多了, 在她出生後幾個月就說要寫一個關於她的blog, 但一直都沒有實際的行動, 終於在今晚, 踏出了第一步了, 現在才發覺到, 原來寫blog真的不容易呀, 呵呵~~

我的女兒叫做子楹, 沒有懷胎十月, 因為在懷她七個月時就跑出來了, 她到現在還是一樣的很性急, 不過, 健康就好了!