子楹BB

我真係要努力放子楹d相上黎喇，而家都兩歲八個月喇，但係就一張相都未放過上黎，而家要迫自己每星期至少放五張相，哈哈~~

呢幾張相係子楹十幾日大到滿月時，在醫院裡影的，因為早產既關係，所以都住左成十個星期醫院。d相隔住個玻璃黎影，所以都唔係咁清。

出世既時候得兩磅幾重量，真係好細粒，但係都算得意啦，不過，初生BB真係好醜樣囉~~~

係咪奇怪點解唔放子楹剛出世到十幾日大既相呢？因為當時仲要戴氧氣罩，好多儀器既線，感覺唔係幾好，所以都係揀d比較好既放上黎好d，呵呵~~~~

開學喇

今日子楹第一日正式返預備班，心情十分好，由昨晚開始就好期待今日返學，今朝叫佢起身一話返學，竟然唔賴床就即刻起身，仲要自己揹書包，之後同我拜拜話要自己返學，又話d小朋友都係自己返學，哈哈~~

到夜晚見到佢，佢又扭計要做功課，同佢講冇功課做就喊，係都話要做功課，比本簿佢話係功課佢又話唔係，一定要學校既功課，但問題係，呢間學校係唔主張咁多功課做，最緊要小朋友學得識就得，唔係下下都要抄抄寫寫，但係子楹見到表哥仔日日都做功課，就覺得每日都要做功課，真係未見過小朋友咁鐘意做功課.....=.=

真係兩父女

(廣東話版)
睇返上次既留言, 原來係囡囡仲住緊醫院留既, 而家update一下先~

囡囡由10號燒到18號, 燒足八日, 住院就住左六日(13-19號), 開頭以為手足口, 後尾原來係輕微肺炎, o岩o岩早幾日去左覆診, 而家都叫做好返晒lu, 希望囡囡唔好再咁容易病啦~

話說囡囡復活節既時候開始病, 跟住入院, 而爸爸就o係勞動節既時候......盲腸炎入院...=.=
之前約好話五一過澳門玩, 好彩後尾取消行程, 如果唔係, 真係麻煩lu~~

(國語版)
看回上次的留言, 原來是女兒在住醫院的時候, 現在更新一下~~

女兒從10號燒到18號, 燒了整整八天, 住了六天醫院(13-19號), 起初以為是手足口病, 後來才知道是輕微肺炎, 前幾天去了覆診, 現在算是完全康復了, 希望女兒不要那麼容易生病啦~~

話說女兒是在復活節開始病的, 而女兒的爸就在勞動節時...闌尾炎進了醫院...=.=
之前約好說勞動節去澳門玩, 幸好最後取消了, 不然真的很麻煩~~

疲勞過度

(廣東話版)
呢幾日係咁落雨, 好似幾年冇落過雨咁不停落, 而我今日終於sick leave左, 因為o岩o岩呢個禮拜返左好多日工, 又返得長時間, 今日起身, 周身骨痛, 真係頂唔住, 不過都算勁左, 返左咁多日先請病假, 呵呵~~

(國語版)
這幾天下的雨, 就像幾年沒有下過的一樣一直下, 而我今天終於請了病假, 因為過去的一星期差不多每天都上班, 而且時間又長, 今早起床就發現全身筋骨疼痛, 真的受不了, 不過已比以前利害了, 隔了很多很多天才再請病假呢, 呵呵~~

疑似手足口病?

(廣東話版)
囡囡星期五(10號)晚發燒到而家(15號)，13號同佢入左醫院，到而家都仲係燒下退下又燒返，醫生話似係手足口病，如果係既話，就只係比退燒藥佢食，等佢自己好返，但試到今日，醫生終於比抗生素囡囡食喇，如果食左兩到四次就好返，即係囡囡唔知邊度發炎，......=.=呢幾日醫生講完既野都好似等於冇講過咁。
呢幾日囡囡又辛苦，我同老公都好辛苦，我地廿四小時輪流o係醫院陪住佢，又唔可以出病房門半步，而佢每日又要食好多次藥，次次都要迫佢食，真係冇陰功！
希望囡囡天日或後日可以出院啦，o係醫院咁多日，好悶嫁！

(國語版)
女兒星期五(10號)晚發燒到現在(15號)，13號住院，燒退了又再燒，醫生說像是手口足病，如果是的話，就只能靠她自己好起來，單吃退燒藥，到了今天，醫生終於給女兒吃抗生素了，如果吃了兩到四次就好的話，就是說女兒不知那兒有炎症，唉......這幾天醫生說的話...說了等於沒說。
這幾天女兒辛苦，我和老公也辛苦，24小時輪流在醫院陪著她，又不可以出病房半步，而女兒每天要吃很多藥，每次都要強迫她吃，好淒涼哦！
希望女兒明天或後天能出院啦，在醫院這麼多天真的好悶呀！

^+++^

雖然我很少上來留言，但看到有朋友有來看，覺得很開心，亦因為我的朋友有 "廣東話人" 和 "國語人"，所以我以後的留言也盡量會有 "廣東話版" 和 "國語版"，是不是很貼心的設計呢，呵呵呵！

時大時細

(廣東話版)
囡囡睇落好似大個左好多，但係個body仲係好的骰，佢由一月十一號開始去幼稚園暫託，學多左好多野，講野都講多左好多，有時見佢做既野同講既野好似好大個咁，好多野已經唔呃得佢，但係好多時佢又好扭計，好bb咁，唔知到九月正式返學之後又會點呢？

(國語版)
現在女兒看上去好像大了很多，但體型還是小小的，她在一月十一日開始去給幼兒園托兒，學了很多東西，會講的東西也多了，有時看到她做的講的都好像長大了，很多事情都騙不了她了，但很多時候還是很會扭，很baby似的，不知道到九月正式上課後會怎樣呢？

大掃除

(廣東話版)
頭先睇返個blog, 我竟然成半年冇post過野上黎, 真係忙......, 哈哈！

其實呢半年唔好話post野上黎, 就連執屋既時間都冇, 因為要返工, 大概一個多月先有一日假, 而家就開始得閒喇, 因為淨係做兼職同湊女, 所以我決定同屋企大掃除, 又同部電腦大掃除, 不過我諗都要一兩個月先搞得掂, 因為實在積得太多太多野喇！

(國語版)
剛才看了我的blog，我竟然半年沒留過言了，真是忙呀......，哈哈！

其實這半年不要說要留言，就連收拾房子的時間都沒有，因為要上班，大概一個多月才有一天的假期，而現在就開始有空啦，因為只剩兼職和帶女兒這兩份工作，所以我決定給家裡跟電腦來個大掃除，不過我看也要一兩個月才會搞好，因為實在累積了太多太多東西了！